Deputetja e PDK-së Evgjeni Thaçi – Dragusha, në seancën e jashtëzakonshme  të Kuvendit të Kosovës  ku po debatohet për ndotjen e ajrit në Prishtinë tha se tema që po diskutohet sot është një ndër më të rëndësishmet që nga shpallja e pavarësisë së Kosovës, shkruan arbresh.info.

“Problemin e ndotjes së ajrit e kemi me dekada. Nuk nevojitet të jemi ekspertë për të kuptuar se në çfarë gjendje është ndotja e ajrit në Kosovë. Fatkeqësisht u dashtë Ambasada Amerikane të vendos matësit e ajrit e ne të shohim çfarë ajri po marrim”, ka thënë ajo.

Sipas saj masat e përkohshme janë të domosdoshme njëjtë sikur edhe ato afatgjata.

“Duhet të fillohet me vetëdijesimin e qytetarëve e sidomos gjeneratave të reja e kjo duhet të bëhet nëpër shkolla, energjia alternative të përkrahet, duhet të mendojmë se si ta modernizojmë trafikun urban me një fjalë t’i mbajmë premtimet elektorale”, ka thënë ajo./arbresh.info/